唱好Revolve 美掛牌即飆
講緊係上周五喺美國紐交所上市嘅美國時尚潮流購物網站Revolve（RVLV）。香櫞讚佢喺IPO前已有錢賺，公司未來業績料會有大幅增長，預期會升到50美元水平。Revolve嘅IPO發行價係18美元，上市首日收市報34美元，較招股價升咗88.89%。至周一早段，該公司股價再升24%。
其實香櫞都唔係第一次唱好股票，舊年五月二日時，佢亦曾經唱好過美國上市嘅阿里巴巴（BABA），預計阿里將會升到250美元，較其當日181.45美元相比，有成37.8%上升空間，結果喺六月中，阿里股價就曾高見211.12美元。睇嚟香櫞唔只得一瓣識唱淡，唱好都一樣搵到食喎！
余絲韻