絲絲講場：UNIQLO柳井正交棒唔揀兩子

雖然佢兩位公子一海同埋康治都係執董，但柳井正講得好清楚，兩位公子唔係繼任CEO嘅人選，佢哋仲有好多嘢學。

至於未來CEO人選，柳井正形容必須由年輕人嚟做，佢不僅需要有能力，同時還要具備豐富嘅數碼化經驗，能夠根據市場變化迅速作出新嘅經營判斷。

講番柳井正本人，今年重新成為日本首富，身家222億美元。佢喺八四年開設首家UNIQLO門店，截至二月底止，UNIQLO喺全球20個國家共開咗2,136間門店。

萬八起薪 在日吸新人

快速時尚市場競爭激烈，日媒透露，迅銷集團喺日本為吸納人才，明年四月新財年計劃聘用嘅650名應屆大學畢業生，月薪起薪點將會由家陣嘅21萬日圓提高21%到25.5萬日圓（大約1.85萬港元）。

余絲韻