絲絲講場：搜狗變聲App玩埋CEO
為咗宣傳，就算貴為行政總裁都要親身上陣！好似美國紐交所上市嘅國產搜尋引擎搜狗CEO王小川下海賣聲！公司旗下嘅搜狗輸入法App可以幫你變聲。只要喺語音輸入中選擇變聲功能，輸入想講嘅說話，再揀鍾意嘅角色，就可以將你把聲音變成嗰個角色嘅聲，聽講好逼真。
王小川奉獻咗自己把聲做生招牌，畀用戶試玩。如果員工用王總把聲整鬼同事，咪隨時會搞出事？好彩除咗固定角色外，仲可以用自己把聲扮埋大叔、蘿莉、公子同公主等基礎聲音，喺角色特點上融入用戶個人風格。咁唔該員工生性啲，唔好亂用王總把聲！
余絲韻