絲絲講場:外匯基金表現曳 陳德霖照加人工

環球投資市場波動,外匯基金舊年回報只係得0.3%,但香港金融管理局年報顯示,總裁陳德霖年薪就跑贏外匯基金表現,整體人工照加1.86%,全年袋走1,097.6萬元。

事實上,陳德霖今年九月底任期屆滿,一八年係佢最後袋足全年人工嘅年度,相比二○一○年總薪酬836.8萬元,累計加人工超過三成!如果計佢一○年至一八年攞嘅人工,條數成九千萬元。

要留意嘅係,陳德霖舊年浮動薪酬維持260萬元,但固定薪酬就加1.71%到723.8萬元,睇番同期金管局一般員工,固定薪酬部分都係加2.35%,較陳德霖高唔夠一個百分點。

至於金管局四個副總裁同高級助理總裁,總薪酬都唔嘢小,舊年每人平均袋880.6萬元!

余絲韻