絲絲講場：上商高層唱歌冧老友記

上海商業銀行連續兩年幫安老按揭客戶搞茶敍，絲絲仲記得上年氹到班「老友記」好高興，今年佢哋再出新法寶冧客，成班高層化身大叔大媽唱「紅日」，推高全場氣氛。話說香港按揭證券公司執行董事兼總裁李令翔都係座上客添。

呢間銀行真係好識摸索「老友記」嘅心意，特登請嚟物理治療師講下點樣保護骨骼、關節，同埋認知障礙、中風等等健康知識。搞笑嘅係，仲搵咗上商班高層即場檢查骨質疏鬆情況，嚇到班管理層心都離一離，聽講好似有啲高層僅僅掹車邊過關喎！

余絲韻