絲絲講場：滙豐麥浩宏望財管團隊似打波
香港國際七人欖球賽即將舉行，滙豐亞太區零售銀行及財富管理業務主管麥浩宏（Kevin Martin）話，員工需有欖球精神「一條心」打江山，點知講到睇波撐唔撐港隊時，佢就鍾意「兩條心」暗撐澳洲隊，點解呢？
自爆兩條心唔嫌多
原來家鄉喺澳洲，但現時身在香港，點都會支持香港隊可以喺今次大賽中獲勝，推廣香港運動發展。但佢又自爆對自己祖國忠心，心裏點都會暗撐自己友！佢話囝囝熱愛欖球，不時仲會陪佢到外國比賽添！
講番滙豐控股（00005）近年業績愈做愈好，而滙豐每年都贊助欖球賽，有冇啟發管理層嘅管治方針呢？Kevin認真解釋，欖球係着重團隊精神嘅運動，而經營銀行業務正正需依賴員工，以及成個團隊「一條心」合作，先可以再創佳績。
余絲韻