絲絲講場：股評人黃耀宗趁轉工鑽研湊女

原來黃耀宗之前離開晉裕集團首席投資策略師一職，準備踏上新仕途！轉工期間見有時間，就專心照顧囡囡Alesha。佢平日睇市炒股勁，但原來照顧BB一樣得心應手，餵奶會留意溫度、出街見人咳會抱住BB行快兩步。不過，始終都係新手爸爸，難免出現蝦碌事，例如將頭箍帶入耳仔、着錯襪仔等。

買ETF準備學習基金

不過點都好，佢話要感激外父、外母同自己父母，平日兩公婆忙嘅時候多得佢哋幫手，仲傳授「湊女心經」，等佢哋快啲上手！作為金融財俊都鍾意計數，佢曾經思考過生育係咪值得，但囡囡出世、叫爸爸嗰刻，嗰份喜悅真係勝過恒指升千點。

講開又講，黃耀宗喺美國讀大學，將來都希望囡囡出國讀書，為咗呢份學習基金，佢買入追蹤中國科技股嘅ETF中金金瑞中網（03186）。對於囡囡未來，只希望佢生活得開開心心、健健康康！

余絲韻