絲絲講場：前Banker溫兆華分享跑數秘笈
領飛資本行政總裁溫兆華（Wilson），退下賓架火線都好幾年喇，話晒都經歷過銀行界唔少風雨，前幾日佢同絲絲分享，就連佢老婆都叫佢將以前啲風光史寫番本書。但Wilson即刻話唔制，因為自己鍾意向前望，多過回憶舊陣時喎！
機場扮散步搵客
不過，佢都爆咗少少「跑數秘笈」畀絲絲知，當年佢一畢業，就加入咗國際商業信貸銀行（BCCI），雖然已經執咗笠好耐，當年嘅佢試過喺舊啟德機場扮散步，就係為咗「巧合」撞中東油商搵生意。
Wilson一共喺4間銀行做過，最巧妙嘅係每間銀行嘅英文簡稱都有「B」、「C」、「I」三個英文字母，包括第一間行BCCI、工銀國際（ICBCI）、中銀國際（BOCI），同埋退下火線之前做嘅招商證券（香港）（CMSHK），都幾盞鬼。
佢亦好謙虛咁話，自己對好多範疇都唔熟悉，所以依家每日會用成12個鐘上網學嘢，尤其鍾意睇人工智能（AI）相關嘅資訊添。
余絲韻