絲絲講場：FinTech+識法規年薪百萬請唔到人
亞洲金融科技師學會（IFTA）創辦人龐寶林話，香港現階段最缺乏係金融創科（FinTech）發展嘅人才，未來金融創科發展更會超越其他行業，所以提早培訓相關人才係香港金融業界當前嘅重要任務。
錢途好過晒會計財務
佢認為，政府應撥款為金融科技行業建立國際認可牌照同培養監管人才，如提供資助畀修讀FinTech課程嘅學生。
龐寶林仲話，香港大把持有ACCA（特許公認會計師）、CFA（特許金融分析師）以至CFP（認可財務策劃師）等眾多國際資格認證嘅人才，但講到FinTech人才就嚴重不足。
安俊人力資源顧問董事總經理周綺萍亦話，近年最吃香肯定係FinTech，當中又以Financial Compliance（金融法規）部門人才最搶手。家陣每間金融機構都需要有呢個部門去監管運作，如果識睇法律文件，做過律師嘅人，上到Head嘅級別，年薪超過百萬元。佢仲話呢行需求好大，招聘市場中，呢類工種需求達兩至三成。
余絲韻