絲絲講場：銀行家為小朋友轉賣LEGO
LEGO中港代理商凱知樂國際（02122）助理行政總裁兼首席財務官洪誠明（Sherman），舊年九月加入公司前，原來係星展銀行香港分行董事總經理、房地產及戰略客戶主管，究竟點解一位睇開中港房地產市場嘅Banker，會諗到轉行賣玩具呢？
Sherman坦言，係因為屋企八歲同六歲嘅小朋友，加入公司前已對玩具頗有認識，入嚟對住盤數同產品都有幫助。時下潮流玩具閒閒地單價過百甚至成千銀，Sherman加入凱知樂，最開心肯定係佢兩個小朋友，斷估Daddy唔少得帶啲新產品返屋企畀佢哋試玩。
讚港樓市「儲水力強」
正如Sherman之前睇開嘅房地產市場一樣，玩具一樣有價有市，面向Kidults（大細路）市場嘅產品隨時上到一萬蚊，不過佢強調凱知樂做經銷商，不參與炒賣。講開香港房地產，佢就話香港「儲水力」強，留得住資金，房地產金融性都自然強，非常保值，真係「用得之餘又可以賺錢」。
余絲韻