絲絲講場：智能手機也「脫北」新色夠搶眼
北韓媒體報道，當地推出新一代智能手機「平壤2423」，手機係搭載Android 8.0系統，支援指紋識別、聲音識別，處理器則採用台灣聯發科嘅MT6737晶片。
手機係由Checom合資科技公司製造，強調安全措施極為嚴密，外部文檔無法存儲喺手機中。當手機插入SD卡會強制要求格式化，如果唔格式化，手機無法正常讀取文件。SD卡中如果存有JPEG、PNG，或者PDF文檔，卡中嘅訊息會被全部刪除。
憧憬走向市場化
不過，外界反而關心嘅係「平壤2423」包裝相比昔日北韓最熱爆嘅「阿里郎手機」有好大突破，呢款手機有別於以往北韓手機都要印上北韓國家傳統圖案，手機包裝黑盒上現可印上廠商及產品名稱。手機外觀係寶石藍，設計美感有所提升，唔係好似以往嘅手機外殼顏色，只係得黑色一種選擇，種種改變被形容為北韓手機走向市場化嘅開始。至於售價係幾多，報道未有提及。
余絲韻