絲絲講場:恒生高管帶隊報佳音

恒生銀行(00011)一向都好重視傳統節日,管理層入冬應節要經常宴請客戶食蛇宴之餘,仲會趁聖誕前空群而出!今年由恒生基督徒團契,再一次喺中環總行門外向途人報佳音。

水哥首次獻唱詩歌

今次接近30位獻唱聖誕詩歌嘅恒生同事除咗有恒生指數有限公司行政總裁關永盛(Vincent)參與之外,執行董事兼零售銀行及財富管理業務主管關穎嫺(Margaret),同埋人力資源總監王依寧(Elaine)都有出席支持,並參與獻唱。

今年仲係恒生傳訊及可持續發展總監張樹槐(水哥,Walter),第一次參加團契首場報佳音活動。水哥係著名馬拉松跑手,中氣十足,有佢「加把口」肯定可以幫佳音「升呢」!

余絲韻