絲絲講場：騰訊音樂美上市 雙謝即變億萬富豪

做電腦工程師出身兼前身為音樂平台酷狗創始人嘅謝振宇，持有騰訊音樂4.2%股權；而做過律師，前身為海洋音樂創始人嘅謝國民持股4.1%。騰訊持股59%，係最大股東；外國串流音樂平台Spotify持股8.9%，為第二大股東。

傳傾向中間定價

而騰訊音樂會喺美股周二收市後公布招股價，若最終定價係招股價13至15美元間嘅高位，即15美元嘅話，咁謝振宇身家就會升到去9.52億美元，而謝國民就有9.22億美元。不過，騰訊音樂拒絕就兩人身家回應。而最新消息指，公司傾向以中間價14美元作定價。

話說44歲嘅謝國民持有嘅酷我音樂與43歲嘅謝振宇創立嘅酷狗音樂喺一四年合併，其後再與同屬謝國民所創辦嘅海洋音樂三合一。海洋音樂兩年前畀騰訊收購，整合成為騰訊音樂，兩年後嘅今日，終於達成目標去美國上市。謝氏雙雄呢個打工仔出身，一夜變成為億萬富豪嘅故事真係好勵志，希望絲絲都會有呢一日。

余絲韻