散戶大呻難玩正股賺埋唔夠輸

元朗股神曾錦安表示：「買牛熊證最忌『跟車太貼』，否則好容易會被強制收回。自己今年原本喺股場賺咗唔少，點知有日隻牛證被強制收回，咁就無咗超過10萬元，差唔多輸晒今年嘅利潤，所以暫時都唔會再玩牛熊證！」

散戶Edwin說：「今年年底開始玩少咗牛熊證，因為個市太難玩！計計吓我都蝕咗超過1萬元，所以暫時唔玩住。」

專家籲轉身要快

至於若希望繼續透過牛熊證捕捉投資機會，投資者應採取何策略？中銀國際股票衍生產品部聯席董事葉滙豪表示，預期明年大市繼續波動，投資者可揀選行使價與收回價距離較遠的牛熊證，同時可考慮沒有收回風險的認購證或認沽證。

瑞銀亞洲股票衍生產品銷售部董事周國威亦說，仍然難預測中美能否於九十日限期內達成貿易協議，明年大市依然波動，輪證投資者必須要「轉身快」。

與此同時，投資者亦要留意宏觀因素及政策風險，以騰訊控股（00700）為例，因內地暫停審批新遊戲及收緊遊戲監管，令其股價顯著回落，不少騰訊牛證因而被強制收回。

法興證券上市產品銷售部副總裁蔡秀虹表示，投資市場臨近長假期成交或減少，波動性有可能增加，建議投資者選擇以牛熊證作中線部署時，不要揀選太貼近收回的條款。至於即市炒作，產品選擇上可能較進取，更應嚴守止賺止蝕紀律。