Market Insight：港美科技股偏弱 選擇有限

然而，若今次震一震港股都唔死得，反而重新發力再次上破100天線約26,972點之上，則間接增加了後市進一步向上的機會。

講番轉頭，早前外圍見美債息有異樣，市場隨即憂慮美國經濟增長將現重大衰退危機。雖然市場普遍話相關信號可靠性大，不過查實只係講中一半，皆因有幾點值得關注。

衰退來臨言之尚早

首先，今次出現美債孳息曲線倒掛的乃三年期與五年期債息，而非市場普遍認受性較高的兩年期與十年期，故減少了信號的可信度；其次，就算出現長短期債息倒掛現象，確實增加了美股已見頂的機會率，但按過往經驗，由出現信號到真係出現經濟衰退的日子，普遍有近10個月的緩衝期，故此，短期內亦毋須自己嚇自己，只要做好風險管理便可。

回說港股，昨日只能用個「悶」字形容，恒指低開逾500點後，即市只約在150點波幅內窄幅上落，未見方向。就以權重股騰訊（00700）為例，昨日股價一樣跟隨大市下跌，但最終只跌2.2%收報321元，叫做掂住條100天線321.04元收。

再從另一面睇，假若美股後市進一步調整，而聯儲局的加息速度又真係減慢甚至暫停加息，資金有機會從美元資產回流至新興市場包括港股身上，會係潛在利好因素。

不過，從科技股行業前景睇，美國科技股及美股今轉跌市的風眼，好似蘋果公司銷情再被投行睇淡，令周二股價挫4%，板塊氣氛難以言好。所以，就算資金往後要押注，相信都只係吼龍頭股騰訊，其他二、三線科技股無運行機會仍大。

受市場唔睇好蘋果公司iPhone的銷情影響，本港「手機孖寶」瑞聲科技（02018）及舜宇光學（02382）昨日股價分別下跌3.7%及7%。論跌幅當然唔嘢少，但係換個角度睇，可能提供低位博反彈機會。

瑞聲不妨小注博彈

睇番兩股現價仍然守穩短期橫行區下方支持位，就算智能手機高增長不再，但若然大市氣氛轉好，資金短期博反彈都唔係冇可能。若二揀一，可小注往績市盈率僅10倍的瑞聲（舜宇達22倍），買落似乎較安心，目標價睇50天線63.3元，跌穿前低位49.05元止蝕。

昨日港股氣氛偏淡，但見資金追入內需食品股中國旺旺（00151）、康師傅（00322）及統一（00220）等，惟觀乎板塊無論在消息面及基本因素變化皆不大，不排除只係資金見早前板塊跌得多而短暫停泊，故已入市者記得有胡要食！

古勝