絲絲講場：中移李鋒行住山開會？

李博士話，自己嚟咗香港兩年，至今已經行過超過20條行山徑，因為香港擁有獨特嘅遠足同步行天然環境，所以今次就聯同中國香港旅行遠足聯會搞咗個行山節，目的想推廣香港人動起來，有健康先有未來咁話喎。

打造行山節變年度盛事

中國移動香港行政總裁李帆風就話，公司每兩個月就會搞一次行山活動，甚至有時候管理層喺周末都會一邊開會一邊行山，所以決定將行山節打造成香港年度盛事添。

佢透露，目前行山節已經有逾5,000人報名，下個月十六日就會喺山頂廣場舉行啟動禮，當日會舉行「萬步有禮」活動，只要當日步行超過1萬步，就有機會贏到1部智能手機，總共會送出100部手機，總值達50萬元。

余絲韻