絲絲講場：全球最有錢1%人 要幾錢身家?

即係話喺香港，只要揸住層樓，而且供咗一大半，就好大機會已經納入喺呢1%人口裏面。話唔定你身邊嘅人，甚至可能你本人都已經係其中之一。

資產淨值要有680萬

當然，87.13萬美元（約679.61萬港元）係講緊「淨財富」，即係「金融資產及實質資產（例如房地產物業），減去負債」。換言之，如果欠債多過資產嘅話（即係買咗層樓，依家先啱啱供緊嗰啲），係唔算數！

有關數據係來自瑞銀發表嘅《2018年全球財富報告》，呢份報告仲話，即使你成副身家只係有4,210美元（約3.28萬港元），你仍然比全球50%嘅人口更有錢。

不過，份報告嘅數據正正反映咗全球貧富懸殊嘅情況極其嚴重，報告仲話︰「最低層50%嘅人，只擁有全球少於1%嘅財富；但最富有嘅10%人口，則擁有高達85%全球財產。」

所以，當大家望住呢班1%有錢人，又甚或你有咁多身家，請勿飄飄然，亦唔好忘記喺地球有好多好多人都活喺赤貧中，連食得飽都唔係必然。

余絲韻