絲絲講場：美圖秀秀大改版 股價靚咗
美圖秀秀宣布轉型社交平台後，全新改版包括PC平台同App日前全面上線，呢次調整被美圖公司（01357）創始人兼CEO吳欣鴻形容為「十年以來最大改變」。新版直接將社區放在首頁，同時兼顧用戶原來嘅使用習慣，將美圖秀秀嘅工具模塊保留在首頁上半部。
佢話今次大改版係帶出「美和社交」嘅新戰略，至於全新改版嘅設計即時已見效果，美圖公司昨收市勁升6.82%，收報5.95元。
活躍用戶月達1.1億
吳欣鴻話，今次大改版嘅精神偏向呈現生活方式，有點像Instagram。自八月推出測試版至今，愈來愈多人知道美圖秀秀係一個社交平台。截至六月，美圖秀秀每月活躍用戶達1.16億。
余絲韻