絲絲講場：千盛上市集資為請韓星宣傳？
又有新加坡公司嚟香港上市，今次係喺新加坡、馬來西亞同印尼經營6個日韓菜品牌嘅餐飲集團千盛集團（08475）。咦？集團英文名係「K Group」，唔通個K係代表佢哋餐廳主打Korean（韓國）菜？
英文名「K」字唔關韓風事
錯啦！主席賴偉傑（Terence）話K即係「千」（Kilo）咁解，配合集團中文名。雖然三位管理層兼創辦人睇落有啲似韓國Oppa，但Terence話佢哋都係地道新加坡人，只係喜歡食日韓菜。
行政總裁何智毅（Levi）話，旗下韓國餐廳食材來自韓國，裝潢都跟從韓風。
千盛周二起至周五招股，每手入場費4,040.3元，集資最多8,000萬元，當中有約6.5%用於市場推廣，包括請南韓流行音樂明星光臨旗下餐廳做宣傳。唔知佢哋會用呢240萬元請邊位韓星呢？
余絲韻