港人申請信用卡會留意優惠與回贈外，仲要求張卡設計要夠「潮」！信用卡設計及製作商CompoSecure話，金屬信用卡近期興埋嚟香港。
有機構引述一項調查，訪問咗1,000位受訪者。69%人話係優惠相同情況下，金屬或混合金屬卡會撼贏塑膠卡；有63%消費者會為咗張金屬卡，而轉投另一家銀行。近八成受訪千禧世代希望擁有金屬卡，因耐用度高，又令人印象難忘。
CompoSecure行政總裁Jon Wilk話，金屬卡已經成為度身訂製嘅飾物，揸上手不但重量聚手，喺付款時張卡碰到枱面嘅「亨亨」聲，亦令人對持卡人留下深刻嘅印象咁話喎。
余絲韻