絲絲講場：小加等唔切衝上台攞獎

大會未準備 焗行番落台

話說香港投資者關係協會主辦嘅「2018第四屆投資者關係大獎」尋日舉行頒獎典禮，場內星光熠熠，仲請嚟證監會行政總裁歐達禮做主禮嘉賓，場內亦見投資者教育中心主席黃天祐同李小加添！

原來李小加唔單止係嘉賓，仲係得獎者，拎咗個「最佳投資者關係（主席/行政總裁）─大型股」獎，但好戲在後頭。

去到頒獎尾聲，小加一聽到港交所拎到「整體最佳投資者關係公司大獎」，興奮到即刻衝上台，點知人家都未準備好頒獎，小加只好行番落台，等人家準備好先再上台，在場哄堂大笑。由歐達禮手上接過獎項後，小加仲大喊「Thank you！Thank you！」拎獎有咩感受？小加話「他（歐達禮）給我獎當然開心」。恭喜晒！

余絲韻