中國人鍾意擇日，但原來日子對上市公司嚟講都好敏感，影響員工福祉，甚至係Work-life Balance（工作與生活平衡）。
合和實業（00054）尋晚出通告話，將個公司財政年度結算日由六月三十日改為三月三十一日，話咁做為咗避免喺財報高峰期同其他上市公司爭奪外部服務資源，同時可以消除因為農曆新年假日期嘅不確定性而為工作流程所帶來壓力。
咩壓力？即係員工唔使好似以前咁要喺二月底前趕中期業績，冇得放新年假囉。
合和話改咗年結日，令僱員工作與生活平衡，可以同家人享受聖誕、元旦、農曆新年同暑假，對僱員歸屬感、生產力、業務表現都有幫助。
余絲韻