絲絲講場：美的何享健76歲膺A股首富

王衛身家縮水變阿二

今次何享健跑贏，全靠佢所持嘅兩隻A股美的集團同小天鵝帶挈，呢兩隻股份過去一年股價分別大升約56%及近50%，令佢身家直線急升逾70%至約1,281億元人仔。反而舊年位榜首王衛副身家就大倒退，隨住順豐股價縮水75億元人仔，惟有以1,266億人仔退居榜眼之位。

睇番手持A股市值過百億嘅內地富豪人數，由舊年110名，增加至今年130名，佢哋夾埋持股市值有3.17萬億元人仔，相當於整個A股上市公司市值逾5%。

唔好以為有錢多數係土豪，呢130個百億富豪中，有成76%持有大學或以上學歷，當中仲有51個碩士同10個博士添！再睇真啲，最盛產A股富豪嘅行業，正正係較高學歷及專業要求嘅醫藥生物，其次係電子、房地產同傳媒。

咦傳媒！睇到呢度，絲絲本來有啲開心，但再睇埋130個富豪中得6個女人，唉！

余絲韻