絲絲講場：輪后葉文炘新年轉新工

「輪后」葉文炘（Abbie，圖）喺狗年伊始即有新動向，由做咗一年多啲嘅招商證券，過檔瑞萬通博香港，擔任上市產品銷售部董事一職，同瑞萬通博香港上市產品銷售部主管翁世權（Simon）並肩作戰。

絲絲問過Abbie，佢話想轉吓環境，而依家轉緊證監牌，預期將會喺瑞通做輪證銷售及市場推廣工作。佢話啱啱農曆新年假期佢只係放咗4日紅日，年三十喺招商證券Last Day，年初五就返新工，都冇點休息過，難怪當日有同事朋友喺佢Facebook留言話：「舊公司又失一員猛將！」

而Simon就話，瑞通近月發行嘅輪證數量較原先預期多，加上市場需求增加，所以要增聘人手。

余絲韻