上周四高位恒指交出一粒十字星，建議各位讀者好倉要再收細注碼到半力入市，但經周五尾市一挾，破32,233點，無論大家認唔認同U盤時段的突襲都好，超短線技術又再解除調整威脅。
不過，今浪由28,134點起步，恒指短短一個半月升逾4,000點，本文一直堅持叫大家只買不沽，總比每隔數百點唔信邪扮先知去加沽，挾到孖展輸光好。基於遲遲未有一個似樣的調整出現，先步步為營控制注碼好重要，繼續限制於二分之一至三分二入市規模，維持但不再加注開好倉，若有轉勢如單日轉向情況出現，好倉全部唔過夜。
John Mullen