絲絲講場：冰雪上市戴襟花藏密碼

董事會主席、行政總裁及執行董事胡陳德姿話藍色六角形襟花代表公司多面向發展，靈活佻脫咁話。

上市儀式過後，胡太又開心到滿場飛，周圍影相，而佢嘅爸爸媽媽同老公都有到場支持添。至於公司為何改名冰雪集團，係咪代表「冰雪聰明」咁解呢？胡太笑笑口話，冰雪集團確實乃冰雪聰明之意，但同時反映出公司用頭腦為客戶增值。

股價曾炒高兩成

至於冰雪首日掛牌表現又的確唔錯，高開見0.57元後，一度曾炒高兩成到0.66元上市高位，最後收報0.57元，仍較招股價0.55元高3.6%。

余絲韻