話時話，今年「哈囉喂」閣下扮咩？好似台灣妹妹萌萌咁扮《死亡筆記》嘅死神？定如南韓男團EXO位燦烈咁話豪使「一半財產」去做Ironman？
「哈囉喂」使幾錢？根據The National Retail Federation調查統計，美國人單單為萬聖節裝扮及買糖嘅花費，今年將高達91億美元（即是約709億港元），創歷史新高！每個家庭平均消費約86美元，都成港紙七舊水！
個調查仲話，美國細路今年至Hit「哈囉喂」造型係Superhero；大人最愛扮蝙蝠俠、女巫、同埋動物；而咁多主人扮動物，啲寵物惟有扮南瓜同熱狗！
余絲韻