絲絲講場：亞馬遜貝索斯做硬首富?
全球首富蓋茨同老友股神巴菲特發起全球富豪齊齊捐出一半身家做慈善嘅創舉，有可能成為咗亞馬遜貝索斯就快搶走佢首富地位嘅漏洞！之不過，「首富」呢個名銜可能對於蓋茨嚟講，只係錦上添花啫！
身家暫少蓋茨15億美元
根據截至周三止嘅彭博億萬富豪指數最新排名，蓋茨有大約868億美元（約6,770億港元）身家，與亞馬遜創辦人貝索斯嘅853億美元（約6,653億港元）只相差15億美元。之不過，分析認為貝索斯威脅到蓋茨嘅首富地位，全因蓋茨係一位大慈善家，同股神巴菲特齊齊捐出一半身家，佢嘅身家其實高達1,500億美元，貝索斯身家連想追近蓋茨都唔使諗啦！
股神巴菲特同蓋茨一樣，多年來捐一半身家做慈善，家陣彭博億萬富豪指數中，淨資產得806億美元（約6,287億港元），落後貝索斯一位。絲絲就建議蓋茨同巴菲特試吓用真誠感動埋貝索斯，叫佢一齊捐一半身家啦，反正貝索斯六月已公開表明有意加入善長人翁行列，做善事愈多人愈高興嘛！
余絲韻