華夏健康產業（01143）周三宣布收購國產安全套品牌，搖身一變成為香港罕見「Condom股」，股價昨復牌後曾爆升30.95%，收市仲Keep到升17.86%！
華夏健康以最多3.6億元人民幣購蘭州科天健康科技84.11%股權。蘭州科天係內地首款水性聚氨酯安全套品牌「中川001」嘅生產商。
「中川001」五月全球首發嘅同時，仲同中國籃球名將姚明曾經效力嘅NBA球隊休斯敦火箭簽約做合作夥伴，第二日喺京東即刻賣晒！
內地安全套適用人口7億，常用消費人群9,000萬，專家估內地Condom市場潛力逾100億人仔！
余絲韻