絲絲講場：領展谷商場 出動BB外星話

領展（00823）喺屯門商場H.A.N.D.S用「外星話」迎接萬聖節。領展喺H.A.N.D.S設置香港首個「BB外星話流動收集基地」及「星球總基地」，收錄同播放BB話（BB話難明，所以稱為「外星話」），令大家置身喺新界西首個「銀河星光花園」，聆聽BB治療系嘅外星話，相信大家到時聽到一定會心微笑。

萬聖節玩轉外太空

而領展會喺呢個星期六及日穿梭屯門大街小巷，向大家收錄BB嘅可愛外星話，如果大家有興趣，不妨帶同屋企個小小「外星寶寶」為呢個「星球總基地」注入正能量。

除咗H.A.N.D.S化身成為「親子星球」，領展亦都將蝴蝶廣場及良景廣場化身為「蔬果星球」及「美食星球」，提供多款合家歡嘅互動遊戲及消費大抽獎，等各位今個萬聖節可以玩轉外太空！

余絲韻