絲絲講場：84歲肉商「代子從軍」焗做CEO
能夠提早退休可以話係大部分打工仔嘅夢想，但現實總會有啲距離，即使係億萬富豪唔使為錢煩都一樣咁話。近日長者ＣＥＯ俱樂部就增添咗一位新成員，呢位ＣＥＯ竟然係「代子從軍」？！
兩子涉內幕交易被捕
身為巴西創立嘅全球最大肉類加工商ＪＢＳ，公司日前就一致通過由創辦人索布里尼奧（Jose Batista Sobrinho），接掌佢阿仔個帥印，查實索布里尼奧已經年屆八十四歲，以全球大企業最年長ＣＥＯ嚟計，只係僅次於日本卡西歐（Casio）嘅樫尾和雄（八十八歲）同埋股神巴菲特（八十七歲）。
從來只有父傳子，何解倒轉頭阿爸要接阿仔手？話說索布里尼奧本應已經安享晚年，可惜佢兩個仔因為捲入內幕交易醜聞，先後被巴西當局拘捕，依家仲仍然喺獄中，惟有搵老父重出江湖，穩定公司內部軍心同投資者信心。
余絲韻