碧咸退役多年，但身形依然仲咁Fit，點Keep？原來又關佢四個仔女事！
問到平日有冇鍛煉或有咩特別嘅飲食計劃，碧咸話，自己嘅日常鍛煉就係圍繞住仔女，「四個小朋友真係幾多，每日基本上都要接送仔女去唔同地方」，佢空閒時會去做吓Gym同踩單車咁。
至於食啲咩，佢特別提到早餐，「我早餐通常係烚蛋，或健康穀片類食品，或者大量水果，當中有好多莓。」
碧咸今次來香港其實係展開友邦保險健康生活之旅，所以佢仲去咗鮮魚行學校同一班小朋友整月餅，「呢次係我第一次整同食健康月餅！」
友邦保險集團首席市場總監施斌陞補充，「亞洲人雖然愈來愈富有，但健康方面就冇咩點提升過」，友邦覺得碧咸管理個人生活同事業都非常妥當，「更重要係大家肯聽佢講嘢，夠號召力」，所以邀請佢做全球大使，幫手宣揚「活得更健康」。
余絲韻