絲絲講場：璋利上市王后駕到

李宗偉嘅出現，本身係馬來西亞丹斯里嘅璋利主席吳明璋話，「同李宗偉係好朋友，佢嘅拚搏精神同我哋公司好脗合，所以佢今次飛過嚟支持我哋，見證公司喺香港上市，別具意義。」

首掛股價高15%

儀式一完，李宗偉就要趕住去機場，飛返馬來西亞備戰蘇格蘭世錦賽。咁忙都嚟，真係夠朋友！

吳主席仲好興奮咁話：「羽毛球係最好嘅運動，自己都好鍾意打，中學亦曾經贏過羽毛球冠軍。」咁有冇諗過同李宗偉打番場友誼賽？佢笑住話：「年紀大喇！」

馬國吉打州王后殿下駕到，原來因為佢有投資璋利，可能怕搶風頭，所以無接受訪問，亦無透露投資金額。璋利昨收報0.81元，較招股定價0.7元高15.71%，每手賺440蚊。

余絲韻