據通告資料，少女CEO孟筱茜今年22歲，係恒富控股（00643）業務拓展經理，過去三年都冇擔任其他上市公司任何董事職務。
共享經濟大股東女做CFO
至於獲委任為執行董事兼CFO嘅陳雅文，亦只係23歲，不過佢就有多啲資料，係主要股東陳春暉個女，一五年畢業於曼徹斯特大學，獲頒國際管理學士學位，仲喺深圳市南銀投資做過副總裁。而呢個少女組合盛惠每人月薪約6萬蚊。
更加吊詭嘅係，公司仲出咗個「董事會成員多元化政策」通告，講明董事會成員不限性別、年齡、文化及教育背景、專業經驗、技能及知識等，總之原則係用人唯才喇！唔通公司都覺得請兩個少女做揸弗人會引起熱議？！講開又講，唔知佢哋仲請唔請人呢？
余絲韻