絲絲講場：南商獲猛將王浵世坐鎮
南洋商業銀行有猛將！中國信達（01359）入主南商已經一年，唔講唔知，銀行界老行尊、滙豐中國前業務總裁王浵世原來又再度「出山」，喺上年做咗南商嘅執行董事，並擔任顧問角色，協調中國信達同南商嘅合作同發展，善用佢豐富嘅經驗，幫南商出謀獻策！
王浵世話，希望南商可邁向分管制度，管理更專業化，未來除咗同中國信達更多聯動，南商同南商中國「兩兄弟」更要拍住上！
「三個穩定」 梅月嫦感欣慰
過去一年對南商而言可謂極大轉變，但南商副總裁梅月嫦話，去年員工流失率不升反跌，而且理財客按年增17%，銀行盈利亦有增長，呢「三個穩定」令佢好欣慰，希望未來可以把握跨境業務優勢，Keep住做好！
余絲韻