絲絲講場：信諾老外CEO唔Buy蛋撻
唔少駐港嘅鬼佬高層對香港嘅點心情有獨鍾，信諾香港嘅CEO馬浩廷（Austin）都唔例外，一樣鍾意食點心。不過，作為香港地道食物代表嘅蛋撻，佢就話唔係幾啱口味，話唔鍾意啲質感喎，都唔明點解啲人肯為咗隻蛋撻排咁耐隊。
Austin嚟咗香港都差唔多四年，多多少少都識講兩句廣東話吧？
港人不認老 影響退休
不過，原來佢學極都學唔識，最多係打電話時識講個「喂」字同埋「早晨」，仲話好彩香港係一個只識講英文，咩都搞得掂嘅地方。
信諾昨日都公布咗一項調查，發現香港人唔認老，仲係不論任何年齡層都唔會認自己老。不過，亦都係咁樣，唔少人喺經濟上未有足夠準備，得12%受訪者話個人經濟狀況喺無工作做之下仍然穩健。Austin話，香港人不認老好容易墮入年齡陷阱，會推遲計劃將來，建議大家都係早啲為老年做好準備。
余絲韻