絲絲講場:《富爸爸》作者教脫貧

暢銷書《富爸爸‧窮爸爸》作者清崎(Robert T. Kiyosaki)接受外媒專訪時話,如果想發達,只需無間斷做一件事,就係「教育」!但「教育」並唔係你諗咁。

佢批評學校「只係教學生唔好犯錯,點解有咁愚蠢嘅教育?BB冇跌過,根本就唔會識行,但教育制度係要懲罰犯錯。其實人犯錯後,先會學得聰明。」

所以佢話「真正嘅教育係離開校園後先開始!須學識『債務』及『稅務』,咁先脫貧創富。」

投資金銀好過買樓

講到投資,佢話相比買樓,依家更睇好金、銀、油,仲話金、銀嘅存在價值比股票更高,嚟緊嗰一千年,金、銀依然會有需求,但股市就未必!點解佢出嚟講呢啲?之唔係佢下月會出本新書《Why the Rich Are Getting Richer》囉。

余絲韻