今時今日，貴客要夠貴先招呼。渣打（02888）打算今年提高全球私人銀行投資客戶嘅資產門檻，要有500萬美元，即是資產至少有3,900萬港元嘅先招呼。
原本渣打私銀客嘅入場門檻200萬美元，諗住提高去到500萬美元，仲聽講佢哋主打係至少有3,000萬美元可投資資產嘅客群。有分析話，為咗減低同客人做盡職審查嘅成本，所以先集中Serve一班人少啲但超有錢嘅貴客喎。
前幾日渣打先確認香港區有超過10位私人銀行賓架離職，聽講話係跳槽。絲絲就諗，究竟係因真正嘅貴客唔多，定係銀行精簡人手減成本，索性縮窄貴客範圍呢可？
余絲韻