恒指連續多日反覆偏軟，就已經有不少人專心等股災，好像市況不是大升就要大跌，但其實窄幅波動，不上不下的情況一樣可以出現，而事實這種比死更難受的市況，出現的機會率比幾年前高得多。
這個世界從來未有如此貧富懸殊，正如騰訊（00700）入股Tesla（TSLA），又或者巴菲特睇好美股係咁意落一注，都是以billions USD作為單位，毫不介意可能蝕章，萬一跌的話很可能再加注，因為他們太有錢，現金流又勁，認為有需要投資，眼光又放長遠的話，根本不想去捕捉市場時機，事實上亦沒有必要。
我們望個市大跌，最大原因不是股市貴，而是自己窮，不肯付出溢價。以前牛熊對立，大家接近咁高咁大，股市就頻頻大上大落，互相廝殺，可是美國股市經歷八年大牛市，好友贏到開巷，財富歸邊，調整的機會從此大減，出到英國脫歐特朗普當選，都只是跌一成跌得一陣，好友實力拋離淡友太遠。
對一般人而言，與其等股災，例不如問自己一條關鍵問題：是否認定少數怪獸級巨企將會主宰大局，假若答是，那麼最簡單的投資方法就是鎖定幾間怪獸公司，定時定候分段吸納然後長線持有便算。
短炒爭取額外回報，純粹是自己想減低組合價值的波動，長遠揀股的貢獻一定是遠遠高過捕捉時機。行內尚且如此，行外更加無謂發夢。
豐盛金融資產管理董事 黃國英（作者為註冊持牌人士，基金持有騰訊及Tesla）