絲絲講場：美企業家醒3招翻身
白手興家、由無到有，點知由天上跌落凡間，點算？絲絲講緊美國知名企業家兼億萬富豪古班（Mark Cuban）。
佢係白手興家典範之一，由赤手空拳打拚到今時身家約250億元，仲係美國職業籃球隊達拉斯小牛班主。佢向外國傳媒講過，就算一夜間乜都冇晒，佢依然有辦法翻身。想翻身，古班話有三個要訣。
1. 捉緊兩個重新起步機會
若一夜間自己乜都冇晒，佢第一步係走落街，先搵兩個可以畀佢重新起步賺錢嘅機會，就算個機會幾微不足道，以前幾不屑一顧，到時都捉住唔放。
2. 做番以前成功過的事
古班未發迹前，日頭做Sales，夜晚去酒吧打工。佢話要翻身的話，佢話一樣會做番呢啲，由打兩份工從頭開始過。佢相信成功得一次，會有第二次。
3. 認清楚自己賺錢能力
佢自知自己最叻Sell嘢，十幾歲已經賣棒球卡與郵票，中學畢業之後就賣電腦及軟件，所以佢一定會再做Sales呢份工，賺佣兼賺花紅，賺到第一桶金之後，就再做生意，再按照以前經驗「錢搵錢」，一定能東山再起。
余絲韻