話說今次全個Party相當特別，亞洲風情嘅設計味道濃，除咗有人扮嘅蒙古士兵外，最誇張嘅係，連駱駝都有兩隻，仲要將網球場變成表演場地，搵雜技團表演空中飛人，真係想像唔到佢今次豪使咗幾多錢！
白宮星級陣容祝壽
大人物生日喎，唔同界別嘅達官貴人當然要畀面啦。除咗一眾銀行大班同黑石戰友外，由於壽星公同美國總統特朗普有交情，所以今次特朗普女兒伊萬卡同女婿庫斯納，以及多名美國白宮候任內閣成員都有代表出席。有消息仲話，其實特朗普都喺附近，不過，可能想保持低調，所以就留咗喺自己嘅私人會所（Mar-a-Lago），遠距離咁同壽星公慶祝，真係夠晒畀面呀！
余絲韻