絲絲講場：證監浦偉光開P賀榮休
專門負責監管券商等中介人嘅證監會中介機構監察科高級總監浦偉光，做埋今日就榮休。浦偉光咁多監管經驗，退休後不愁寂寞，絲絲聽聞佢會出任中證監國際顧問委員會委員，繼續為證券市場出力。
提到浦偉光，香港證券界無人不識，因為佢喺證監會中介機構部任職多年。佢因已到退休年齡，今日Last Day。佢部門同事早前已為佢搞歡送會，部分以前畀佢「監管」嘅證券界人士，都有為佢歡送告別。
續為中證監出力
雖然佢喺證監會退休，但同證券市場仍然有淵源。事關佢去年底已出任中證監國際顧問委員會委員，退休後相信可以放更多時間喺國際顧問委員會度。
咁浦偉光退休後，邊個會坐佢證監會個位？唔使心急，證監會已開始作公開招聘，大家等吓。
余絲韻