呻交投靜養唔起經紀
點解當地樓咁受歡迎？張華峰話香港人最鍾情當地嘅三房單位，面積成二千呎，盛惠二千萬港元左右。如果早前趁日圓平時買入，帳面已有升值。呢啲近滑雪場嘅樓盤有啲似服務式住宅，平時會幫業主租出去，扣除管理費等使費，買家仲有錢收番。
講完滑雪，佢都要呻吓，事關本港新股集資額全球第一，但港股每日成交額長期得600億元左右，扣除200億元嚟對沖，真正成交得400億元，唔夠養班中小經紀。港交所（00388）行政總裁李小加話深港通、滬港通係深滬港共同生出來，唔會覺得唔漂亮唔健康，張華峰就話，「咁都唔係生咗出來就算，要培養佢，畀佢學彈琴、跳舞！」睇嚟小加要加油喇！
余絲韻