我要做財演：On Call十七小時缸湖大佬點頂？

A.M.：綠Van刨料備戰訪問

早上未到八時，植耀輝便要與中環白領逼綠Van趕上班。儘管車程不長，他也爭取時間用手機瀏覽新聞，「要緊貼昨晚外圍市況，睇吓有咩焦點。」

八時正回到公司，他速讀同事準備的每日財經大事表，然後整理訪問資料，預備每天例行公事──財經節目訪問。須知分析員不是閉門造車，他指：「依家出去講Talk，再唔係得啲上咗年紀嘅人，仲會有後生仔，佢哋會考我，可以激發我嘅新思維，係好事。」

研究板塊夠多元化

港資與外資公司的研究人員工作模式不同，前者研究範疇較廣，每位同事會鑽研多個行業資訊。對經濟有宏觀看法、擔任港資公司的他則鍾情研究電訊、水泥及煤炭等。外資公司分析員則會較深入鑽研單一板塊。

P.M.：返家仍衝 凌晨離線

連續做完幾個訪問後，他稍為鬆一鬆，返回公司開飯，但望望手錶，已是兩點多。他笑說，神仙肚是當年做記者時練成的，「遲食飯，邊食邊睇資料，已經習已為常。」

三時正，他仍未能坐定定，要跟管理層開會，並要想好明天訪問內容及流程。

當茶水姐姐送上糖水，原來已是下午五時，照道理一小時後就是放工時間，但植耀輝竟慢條斯理指：「預咗遲走，我平日多數返八放八，收到太太嘅溫馨提示，就會拎埋啲資料返屋企再睇。」他笑說自己有職業病，「有時放長假，都要留喺屋企睇財經資料，就算香港無市，外國都有，哈哈！」

吃過晚餐，他仍未放下工作。他指，現在才是每天最珍貴的自我增值時間。他會收看新聞資訊、做分析及寫研究報告，直至凌晨一時才睡覺。

眼前的他未有半點疲憊並笑說，近年網絡資訊發達，已減輕他工作量，「以前仲要不時同啲公司高層見面，睇吓佢哋係咪有心搞間公司，依家好多公司嘅內部資料都喺網上搵到，可慳番少少時間！」

最Down見推介股份跌

完成一天緊湊日程，又即將迎接另一天。他會心微笑說，要捱得住分析員日以繼夜地工作，就要樂在其中，在工作中尋找滿足感，他的工作動力就來自估中後市。他續指，當分析員必備條件是有興趣做研究及勤奮。

已成功取得金融界入場券的同學Kelvin，冀了解植耀輝當分析員十多年間所遇過的最大打擊。植耀輝思前想後說：「其實都無咩特別，但若自己推介嘅股份跌，就會唔開心。當分析員對客戶有份責任感，他們參考你的分析來投資，所以賺蝕或多或少跟你有關。抱着『錯就認，打就企定』嘅態度，教我學識自我檢討，並訓練出高EQ。」

出爐報告幾吋厚？

研究報告各式各樣，植耀輝正努力撰寫一七年展望，同學亦有興趣了解一二。

同學Candy問：「一份報告通常會有多少頁紙？」植耀輝稱：「唔定，想寫得深入啲，跟住就愈寫愈多，如一七年展望報告，會由宏觀歐美經濟，說到中港股市及個別板塊。我過去嘅研究報告受眾大多是廣大市民，但有意撰寫更多個股報告，讓機構投資者參考。」

他透露，一份報告是集公司各人之大成，同事會從多角度分析事件，並參考其他大行報告，得出最終結論。「同事之間睇法可能唔一致，但我哋會開會傾一個View出嚟，若仍爭持不下，就會投票。特別係對後市中長線睇法，希望睇法一致，先唔會混淆視聽。」

分析技巧 磨練兩年

以特朗普上任為例，他與同事有對立看法，他不認同美國經濟前景會一面倒向好，因新政府推政策時會有不少掣肘，減稅與加大財政開支兩者均見矛盾，另特朗普口沒遮攔的形象，會令人懷疑他最終會否兌現競選承諾。

他說，對特朗普近日指美元過強感詫異，因歷屆美國總統均甚少提及匯率，更不會干預聯儲局工作。另早前特朗普與國務卿同日演說，他們對公私合夥（PPP）的看法有分歧。植耀輝大嘆特朗普個人主義太勁！

同學都表示有考慮成為分析員，植耀輝大派定心丸，指初入行時，有時間慢慢浸，由分析新聞開始，鑽研論點及論證手法，然後再學寫報告。他憶述，初次接觸財經資訊，用了整整兩年時間磨練，但學到的分析技巧畢生受用。