新世代供略:女生儲首期長沙灣啱價

今期「新世代供略」的主角是大學生Kimmy,她坦言有樓最重要,亦不介意住舊樓,因實用率較高,又相對新樓闊落。她表示,自己正與男友儲錢買樓,希望可留守九龍市區。其實,長沙灣仍有不少私樓屬親民價,其中青山道宇宙大廈,一個交吉戶360萬元有交易,不妨考慮。

Kimmy稱,「與男友正儲錢買樓,我自己覺得住邊都無所謂,香港地有港鐵代步出入問題不大。不過,男友想留守九龍區,嫌新界區太遠。」

她另指,「依家買樓真係好唔抵,如果有能力想住私人樓。不過覺得舊樓都唔錯,因為實用率高,地方又大啲,唔想住得太細,又太嘈嘅地方。」

主攻細單位 適合小家庭

事實上,長沙灣、深水埗區坐擁港鐵沿線,目前仍有不少二線私人屋苑,雖然規模細、乏名氣,但勝在樓價仍算親民選擇。如坐落長沙灣青山道的宇宙大廈,一座物業只有11層樓高,樓齡雖屆三十七年,惟保養尚可,提供實用面積近200至335方呎的細戶,小家庭算夠住。

宇宙大廈居住密度低,四周環境未至於過分擠迫,坐落青山道、順寧道一帶,相對大街寧靜。大廈鄰近李鄭屋邨,有基本康體設施如公眾游泳池、遊樂場等,街道平民食肆林立;另距離港鐵長沙灣站僅約五分鐘步程,出入便捷。

僅一交吉戶 屬市價

香港置業首席高級營業經理曾家輝表示,宇宙大廈現只有一個兩房戶交吉放售,實用面積320方呎,叫價360萬元,屬市價。