聖誕假後緊接元旦假，大戶普遍收爐，港股交投淡靜。縱使昨日鐵路基建、石油及內銀幾個板塊跑出，但大部分升幅榜股份成交都唔大，加上今日期指結算，後市不宜太進取。
恒指昨日早段低見21,488點，守得住250日線支持，最終收報21,754點，升179點，主板成交514億元。即市先低後高的表現好似唔錯，惟即市反攻動力主要來自建設銀行（00939）及騰訊（00700），難免予人外強中乾之感。
昨日十二月期指日市收報21,721點，升183點，低水33點，成交總張數9.7萬張，未平倉合約僅7.4萬張；而一月期指成交7.04萬張。新年將至大市成交愈見疏落，期指炒家要在波幅縮窄且吹無定向風的環境下搵食甚艱難，似乎最好唔做唔錯！
John Mullen