絲絲講場：鱷王研變身程式保「發」術
「鱷王」達利奧打骰嘅全球最大對沖基金Bridgewater Associates秘密開發緊個程式用作內部管理，務求要員工知道每日應做啲咩，就連某個電話應唔應該打都包括在內！
跟足達利奧投資原則
鱷王呢件秘密武器做「The Book of the Future」，或叫「PriOS」。做法係先收集員工之間互相評核長短處嘅數據，加埋員工嘅管理能力與人格測試結果，最高分嗰堆嘅意見就愈有分量，（排第一就梗係達利奧本人），再加埋「達利奧原則」（即是「唔好揀仗打，要同所有佢哋搏過」呢類鱷王金句）。
鱷王深信人成日受情感干擾，無辦法將一件事做得完美，佢依家希望五年內近75%嘅管理決策交由PriOS去做。現年67歲嘅鱷王其實六年前已退下火線，不過嫌班搞到公司臃腫兼無效率，卒之喺年初回朝主政，仲即刻裁咗10%人。PriOS好明顯係，就算鱷王有日唔喺到，公司一樣要貫徹佢嘅理念，延續神話。簡單講，鱷王不死！
余絲韻