今年環球市場盛產「黑天鵝」，繼英國意外脫歐，再有美國總統大選爆冷，特朗普成為美國候任總統。市場一早滿地眼鏡碎，分析員一個二個估錯市都算情有可原。
之但係，尋日中國銀行（香港）（02388）出嚟講經濟展望嗰陣，出現咗一幕，唉，點講呢，有人喺眾目睽睽下被「翻舊帳」，不過畀絲絲見識到EQ有幾重要。話說中銀香港高級經濟研究員蔡永雄（Ricky）年中時估香港樓價今年會跌一成，即刻畀台下問「做乜會估錯市，仲要相差咁遠！」絲絲喺現場聽到都滴晒汗，Ricky仲笑笑口好淡定咁話，英國脫歐同美國加息，早排存在好多不確定性，令到實況同預測有出入咁話。果然EQ高，佩服。
余絲韻