絲絲講場：大摩慈善「蒸糕Bell」籌320萬

話說摩根士丹利參與咗廿年嘅「愛心聖誕大行動」籌款活動，今年除咗唱聖詩之外，仲有拍賣蛋糕！大摩喺十二月五日至九日，由員工每日焗4至5個蛋糕拍賣，每次出價都會納入捐款。

最高價嗰個蛋糕籌咗13萬！聽聞呢個蛋糕就係由大摩私人財富管理中國及香港區主管韋王維芬整嘅，個蛋糕上鋪滿金幣，最頂仲有人見人愛嘅金牛！

尋日仲由大摩亞太區聯席首席執行官高浩灃帶領同事、慈善團體「香港保護兒童會」以及聽障人士慈善機構「龍耳」，喺ICC邊唱聖詩、邊用手語報佳音。今年共籌咗320萬元，主要受惠機構係「龍耳」。

余絲韻