又到年尾，係時候攝高枕頭諗諗，自己有冇畀份工Chur爆？付出與收入是否成正比？喺度仲有冇前途？
已經心灰意冷？等等，下面3樣你做咗未？美國金融網站話，離職前要做晒以下3樣嘢先好走。都已經十二月，睇得嚟啱。
遞信前要計清楚有咩風險，例如有幾多錢應急？係咪有Offer喺手？新工真係咁有前途？有咩不測嘅話打算點搞？諗清楚係咪真係要「裸辭」。
手頭上嘅Project做得幾多得幾多，準備好交接工作，做得好好睇睇。事關將來可能需要推薦信，而且每個行頭其實都好細，你喺呢度點，第二度實有人知。
唔要嘅嘢，就掉咗佢唔好留喺度。公司機密、敏感資料千祈唔好帶走，咪以身試法，搞到畀人告時就無謂。仲有，Exit Interview（離職面談）時，你可提出有建設性嘅意見，切忌一味批評上司或公司點衰。今日留一線，他朝好相見。
余絲韻